Ny og betre sambuar?

I løpet av den siste veka har me hatt 3 nesten-ulykker her i heimen, alle knytta til det varme element. Så difor vert spørsmålet me her i heimen må spørje oss: Skal me bytte ut Andrea med ein heit brannmann??

Det kunne ha vore ein god avtale, då desse episodene kunne ha vore unngått:

1. Røyklagd kjøkken og heftig brannalarm pga. svartbrent havregraut (og då snakkar eg ikkje om litt brent graut i botnen, – heile innhaldet var svart!)

2. Over 30 grader celsius på kjøkkenet, fordi steikeovnen stod på med døra open.

3. Overkoking av melk/kakao som forårsaka mykje gris på keramikktoppen vår.

Kanskje me skal ha ei avstemming på om Andy må ut? Lage ei slags realityserie? Det er trass alt farleg å bu i same hus som henne.. Men samstundes må det seiast at ho er ei bra jente på mange (andre) felt. Så desse hendingane bør vel berre plasserast i sin rette kategori, skape litt blest for å hjelpe oss til å få ut litt frustrasjon. Og så kan me gløyme alt saman – og atter vere gode vener! :)

Men eit tips til alle der ute: Pass alltid på komfyren (og dine sambuarar), ikkje la stearinlys brenne utan tilsyn og alt det der..

Kva for eit dyr er du?

Dette spørsmålet fekk eg plutseleg frå ein av mine gode sambuarar. Eg vart litt paff, og forstod ikkje heilt spørsmålet. Eg er vel ikkje eit dyr?

Vi diskuterte dette litt, og det viser seg at mange ofte samanliknar personar med td. dyr, matrettar, fargar eller former.

Eg er visstnok ein lama. Veit ikkje korleis det skal tolkast, men slik er det berre. Og når det gjeld mat er eg kylling i ulike variantar. Har aldri tenkt på folk på den måten, men det var artig å høyre at ein kan setje folk i bås på den måten. Ikkje at det er eit mål å setje nokon i bås, sjølvsagt. Når eg tenker meg om, kan faktisk dei fleste likne på eit eller anna dyr. Har dog litt vanskelegare for å forstå dette med matrettar. Det får eg overlate til nokon andre å tenke på. Enn så lenge skal eg gå på mine lange bein, og spytte litt på folk!

Sjukepleie for harde livet..

 Eg i mamma sin gamle uniform + Hilde & Åse på øvelsesposten i fjor:

 

Då er nok ei praksisperiode påbegynt, og denne gongen varer den i heile 9 veker. Det vert nok ei lang periode, men forhåpentlegvis veldig lærerik. Tida er inne for å legge seg tidleg og stå opp kl, 05.50. Det vil seie å ikkje ha eit sosialt liv dei dagane eg har tidlegvakt. Men heldigvis er det berre fire dagar i veka, og ein av dei er som regel seinvakt. Så kjenner eg meg sjølv rett, vert det nok like mange aktivitetar på fritida og eit sosialt liv akkurat slik det har vore tidlegare..

No er det kirurgi som står for tur, og eg er på ei ortopedisk avdeling (beinkirurgi). For å forklare litt meir for dei utanforståande, så innebærer det ymse operasjonar (hofte, kne, leddband, skulder, brusk m/proteser ol). Og så skal me førebu pasientar til operasjon, observere dei etterpå, og hjelpe dei til mobilisering og utreise.

Elles så vil eg berre minne deg på gjesteboka mi, der du står fritt til å legge inn ei helsing om det skulle passe seg slik. I desse blogg-aukande tider, vert det nok eit godt tilbod.. God søndag!

Elektrisk kvardag

Eg har ikkje fått meg boremaskin til jul. Ei heller elektrisk grill. Men eg har kjøpt meg ein ny fiolin! Den er til og med forma som ein S..
I tillegg har eg begynt å spele/kore i eit band her i Bergen, som heiter Khripos. Sjekk ut nokre av songane på myspace.  

Ps. Gratulerer med dagen mamma! :)

Dec. in pics

Tittelen såg nesten ut som noko latinsk.. men det tyder berre at eg legg ut nokre bilete frå juleferien. Litt av ymse slekt og vener som seg hør og bør, i tillegg til noko frå nyehytta på sætra (legg merke til mangelen på snø..)

 

 

Ribbefeittdagane er over..

Då var eg atter kome tilbake til Bergen, for å fortsette på studielivet. Etter ein heil dag i bil og buss var det godt å kome fram til leiligheita. Det var heile 13 grader på stova, så det tok ikkje lange stunda å varme den opp. I fjor var temperaturen på same tid ca. 6 grader, då tok det noko lengre tid å gjere det same.

Håpar året som kjem gjev mange spennande utfordringar og gleder. Enn så lenge er utfordringa å kome inn i normalt søvnmønster, og overleve ei veke åleine i leiligheita! :p (dette er vel eigentleg ei opplysning som ikkje bør ligge ute på nettet..)