Etter vel endt Tanzaniatur, vankar det no ei vekes ferie i heimbygda før eg skal tilbake til Bergen og jobbe. Kjekt å treffe igjen familie og vener, slappe av på hytta og nyte det gode liv. Veiret har vore heller dårleg, med regn og ein gradestokk som knapt viser over 12 grader. Legg ut litt bilete:
Andrea på urbanbesøk; her nyt vi suksessterte og kaffi på kaffibaren Fugl Føniks
Tre av mine favoritting: Andrea, saud og tyttebæret :)
Stine og Caroline
Kos og kveldsmat på hytta
Kva er det gode liv?
Mange har opp gjennom tida sagt sitt om kva som er det gode liv, mange store flotte ting. Mennesket higar etter det gode liv. Men kva er det eigentleg?
Alt frå å kjenne lukta av regnvåt asfalt til å plukke blomar. Kanskje lese ei god bok eller reise verda rundt? Å sjå ein mygg stikke deg eller ein fotballkamp på tv. Det å vere nyforelska eller å snakke med ein ven ein ikkje har truffe på fleire år. Eg tenker det gode liv er her og no. Dei små gledene i kvardagen som er lette å gløyme, men som eigentleg er livet. Og det er viktig å ikkje stresse for å jakte på desse tinga. Det gode livet berre ER. Det omkrinsar oss, utan at vi treng å gjere noko for det. Berre ta i mot og setje pris på det.
Har dessverre vorte lite med oppdateringar frå Afrika på denne sida. Me har prøvd å legge ut litt på teambloggen, men internettilgongen har vore ganske varierande.
Eit lite reisebrev kan ventast neste veke :)
No er vi uansett komne til Dar Es Salaam, etter ei tid på Zanzibar med seminar og ferie. Dar er ein særs spanande by. Me har feriert her nokre dagar, og spelt golf, tennis og vore på Casino. Nokre har hatt Spa, køyrt gocart og mange gode restaurantbesøk. Mandag skal vi møte CHRISC-leiarane i Dar, og planlegge siste veka her med seminar og fotballturnering. Vert kjekt å jobbe litt igjen etter ein del ferie. Me kjem heim igjen neste mandag, 23 juli. Skal verte kjekt å sjå folk i Norge att.
Gutta har internett på romet, så då kan vi bruke norsk-tastatur for første gong. Herlig å kunne skrive æ,ø og å, sjølv om det går rimeleg treigt med nettet.. (derav manglande bildeopplasting).
