Vesle nyttårsaftan

Det er visst berre dagen før dagen at eg får anledning å blogge i denne søte juletid. Det var kjekt å kome heim til familia igjen. Det har vore som jula brukar å vere, med mykje god mat, godt samvere og alt for mykje varme i peisen. No nærmar det nye året seg med stormsteg. 2009. Det har jammen meg snart gått 10 år av den nye årtusenet. Tida går, og den går som vanleg fort.

Heidi, Runar og eg i harmoni før vi banka kvarandre, jula 04 (då det var snøv i motsetnad til i år)

Eit lite oppsummerings og sjå-framover innlegg kjem nok snart. Enn så lenge vil eg få ynskje (alle) mine blogglesarar eit godt nytt år!

Vesle julaftan

I dag legg eg ut eit bilete av familia, som vart teke for nokre år sidan. Må seiast at H. manglar sidan ho tek biletet, og K. var nok i Naustdal. I år gledar eg meg nok meir til 2.juledag enn julaftan, sidan eg skal jobbe i Bergen i jula. Skal verte veldig kjekt å sjå familia att, og treffe alle andre heime. Og kanskje få ei kvit romjul:)

Så får eg berre stappe i meg pepparkaker og anna godt mellom slaga på jobb. Og høyre på det siste av julemusikken.  Og sjå filmar på tv. Litt rart å ikkje vere heime no, men slik er det vel berre å verte vaksen. Og ikkje minst arbeide i turnus. Det har sine fordelar og ulemper som det meste anna.

Og til alle dei som tilfeldigvis skulle klikke seg inn på bloggen no i desse juletider; God jul! Ha ei avslappande feiring! :)

Medan vi ventar

Advent er godt i gong. Eg har for første gong sidan eg var sju år hatt ei skulefri adventstid, og for første gong sidan eg var 8.klassing hatt ein eksamensfri desember månad. Det kjennest godt. Eg likar desember der ein får laga det koseleg i heimen. Pynte med lys og stjerne. Høyre på julesongar og synge med, nyte ein god kopp med julete. Ha besøk av vener og pønske ut fine og ønska julegåver. Skrive julekort, lage gåver, åpne pakkekalendar og ete god mat. Advent er fint. Vi er i ventetida, men må ikkje gløyme at det er medan vi ventar at vi verkeleg lever.